Reynir Stefánsson, fyrrum varaformaður HSÍ hefur tekið að sér formennsku dómaranefndar. Þetta tilkynnti hann landsdómurum á lokuðum Facebook-hópi dómara, sem Handkastið hefur undir höndum.

Reynir tekur við formennsku dómaranefndar á nýjan leik en hann var formaður dómaranefndar frá árunum 2018-2022. Reynir tekur við formennsku dómaranefndar af Ólafi Erni Haraldssyni sem sagði sig úr stjórn HSÍ fyrr í sumar vegna ágreinings innan stjórnar HSÍ eftir ummæli sem Einar Jónsson þjálfari Íslands- og bikarmeistara Fram lét falla í leikhlé-i hjá Fram í úrslitakeppninni í leik gegn Val.

Að mati Ólafs Arn­ar taldi hann að um­mæli Ein­ars væru skaðleg fyr­ir ímynd hand­bolt­ans og vildi hann vísa um­mæl­un­um til aga­nefnd­ar. Stjórn­ar­menn HSÍ voru hins veg­ar á öðru máli og sætti Ólaf­ur sig ekki við þau mála­lok og sagði sig úr stjórn HSÍ. 

Nú hefur Reynir tekið þá ákvörðun að sinna hlutverki formanns dómaranefndar.

,,Ég hef verið beðinn um að taka við þessu hluverki oog mun sinna því í vetur ásamt góðum hópi manna," segir Reynir í pósti sínum í lokuðum Facebook-hópi dómara á Íslandi. Síðan þylur hann upp þá sem verða í nýju dómaranefndinni:

Reynir Stefánsson
Magnús Kári Jónsson
Kristján Gaukur Kristjánsson
Hlynur Leifsson
Halldór Harri Kristjánsson

,,Hver veit nema fleiri bætist í hópinn þegar líður á veturinn," skrifar Reynir enn fremur.

Handkastið óskar Reyni velfarnaðar sem nýjum formanni dómaranefndar.