Ásthildur Jóna Þórhallsdóttir leikmaður Vals er í áttunda sæti yfir markahæstu leikmenn á EM U19 kvenna sem fram fór í Svartfjallalandi. Íslenska liðið endaði í 15.sæti á þessu móti.

Ásthildur skoraði 50 mörk í þeim 8 leikjum sem íslenska liðið spilaði en athygli vekur að ekkert af þessum 50 mörkum kom úr vítakasti og er hún eini leikmaðurinn á þessum topp 10 lista sem tók ekki víti.

Ef að tekinn væri saman listi þar sem mörkin úr vítaköstum væru ekki teknin með þá væri Ásthildur í þriðja sæti yfir markahæstu leikmenn á mótinu.

Af leikmönnum íslenska landsliðsins voru Arna Karítas Eiríksdóttir og Bergrós Ásta Guðmundsdóttir næstar á eftir Ásthildi með 34 mörk hvor.

Hér má sjá listann yfir tíu markahæstu leikmenn á mótinu

• Gabija Pilikauskaite Litháen 82 mörk (27 úr vítum)
• Maud Horvers Holland 66 mörk (9 úr vítum)
• Teodora Damian Rúmenía 62 mörk (34 úr vítum)
• Buket Seven Tyrkland 60 mörk (26 úr vítum)
• Mia Nedeljkovic Serbía 54 mörk (9 úr vítum)
• Belen Lario Spánn 53 mörk (11 úr vítum)
• Vilde Fresvik Noregur 51 mörk (30 úr vítum)
• Ásthildur J. Þórhallsdóttir Ísland 50 mörk (ekkert úr vítum)
• Anne Dolberg Plougstrup Danmörk 50 mörk ( 5 úr vítum)
• Chiara Rohr Þýskaland 50 mörk ( 14 úr vítum)
• Virag Fazekas Ungverjaland 49 mörk (19 úr vítum)