Blað var brotið í sögu asísks handbolta í Jinggangshan í Kína á laugardaginn þegar Kína stóð uppi sem sigurvegari á heimavelli og vann Asíumeistaramótið í U17 ára landsliðum kvenna.

Hafði Suður-Kórea átta sinnum í síðustu tíu keppnum unnið gullverðlaunin í þessum aldursflokki en Japan var ríkjandi meistari.

Kína hafði betur gegn Japan í úrslitaleiknum 35-33 en kínverska liðið byrjaði betur í leiknum og var með yfirhöndina allan leikinn. Japan jafnaði metin þegar tvær mínútur voru eftir en Kína reyndist sterkari aðilinn í lokasóknum leiksins.

Suður-Kórea tryggði sér bronsið með sannfærandi 30-21 sigri gegn Kasakstan.

Átta lið tóku þátt á mótinu en Kyrgyzstan og Uzbekistan sendu ekki lið sín til keppnis á mótinu.

Kína, Chinese Taipei, Kazakstan, Hong Kong-Kína, Japan, Suður-Kórea, Indland og Íran tóku þátt á mótinu.

Fjögur efstu löndin á mótinu unnu sér þátttökurétt á HM U18 ára landsliða sem fram fer næsta sumar.