Laufey Helga Óskarsdóttir er meðal markahæstu leikmanna á Evrópumóti U17 ára sem fram fer í Svartfjallalandi.

Laufey Helga hefur skorað alls 22 mörk í fjórum leikjum Íslands á mótinu eða 5,5 mörk að meðaltali í leik en hún er sjötta markahæst á mótinu.

Laufey skoraði fimm mörk fyrir Ísland í dag í jafntefli gegn Serbíu en markahæst á mótinu sem stendur er Gazel Dikme frá Tyrklandi sem hefur skorað 30 mörk.

Agnes Lilja Styrmisdóttir er næst markahæst íslensku stelpnanna á mótinu með 16 mörk og Ebba Guðríður Ægisdóttir er síðan búin að skora 13 mörk.

Markahæstar á EM U17 eftir fjóra leiki:

1. Gazel Dikme (Tyrkland) - 30 mörk
2. Alteja Ustilaite (Litháen) - 28 mörk
3. Agata Stoican (Rúmenía) - 28 mörk
4. Antea Jerkovic (Króatía) - 24 mörk
5. Taida Berovikj (Norður-Makedónía) - 23 mörk
6. Laufey Helga Óskarsdóttir (Ísland) - 22 mörk

Næsti leikur Íslands á mótinu er gegn Noregi í fyrramálið klukkan 10:00.