Sögulegur úrslitaleikur er Slóvakía vann EM U17 kvenna
EHF)

Slóvakía ((Match Lens)

U17 ára landslið Slóvakíu í kvenna er Evrópumeistari eftir sigur á Króatíu í úrslitaleik EM sem fram fór í Svartfjallalandi. Liðin mættust í úrslitaleik mótsins fyrr í dag. Er þetta fyrstu gullverðlaun Slóvakíu í kvennaflokki á stórmóti.

Slóvakía leiddi með einu marki í hálfleik 18-17 en vann að lokum fjögurra marka sigur 34-30 en liðið komst mest sex mörkum yfir í leiknum. Var þessi úrslitaleikur sögulegur fyrir báðar þjóðir því um var að ræða fyrsta úrslitaleik beggja þjóða í kvenna handbolta.

Besti árangur kvennaliðs Króatíu var bronsverðlaunin á EM 2020. Slóvakía hafði aldrei áður komist í undanúrslit í kvennaflokki fyrr en nú.

Maria Bartková, vinstri skytta Slóvakíu, skoraði 14 mörk úr 16 skotum og reyndist drjúg í sigri þeirra. Fyrir Króatíu var Antea Jerkovic markahæst með sex mörk.

Heimakonur í Svartfjallalandi tryggðu sér bronsverðlaun með tveggja marka sigri gegn Spáni, 22-20.

Íslenska liðið endaði í 17.sæti á mótinu eftir sigur á Noregi fyrr í dag.

Leikstjórnandinn Martina Knezevic frá Svartfjallalandi var valinn mikilvægasti leikmaður mótsins.

Úrvalslið EM U17 kvenna 2025:

MVP - Martina Knezevic (Svartfjallaland) 

Markmaður - Masa Dubljevic (Svartfjallaland)

Vinstra horn - Lauryn Mierzwa (Sviss) 

Vinstri skytta - Mária Bartková (Slóvakía) 

Miðjumaður - Antea Jerkovic (Króatía) 

Línumaður- Sofie-Matilde Taylor (Danmörk) 

Hægri skytta - Edurne Donderis Sánchez (Spánn) 

Hægra horn - Nayenka Noslen (Frakkland) 

Besti varnarmaðurinn - Liliana Gogová (Slóvakía) 

Markahæst - Gazel Dikme (Tyrkaland) - 75 goals

Nýjustu fréttir

HAFA SAMBAND

Handkastið.net

Handkastið er hlaðvarpsþáttur og fréttamiðill um íslenskan og erlendan handbolta.

Ritstjórar eru Arnar Daði Arnarsson og Styrmir Sigurðsson.


handkastid@handkastid.net

Scroll to Top