Evrópumót kvenna skipað leikmönnum 17 ára og yngri lauk í gær í Svartfjallalandi er Slóvakía tryggði sér gullið eftir sögulegan úrslitaleik gegn Króatíu þar sem hvorug þjóðanna hefur náð eins langt á stórmóti í kvenna handbolta.

Íslenska landsliðið endaði í 17.sæti á mótinu eftir sigur á Noregi í gær.

Laufey Helga Óskarsdóttir leikmaður íslenska liðsins endaði sem fimmti markahæsti leikmaður mótsins með 58 mörk í átta leikjum sem gera rúmlega sjö mark að meðatali í leik.

Ebba Guðríður Ægisdóttir var næst markahæst í íslenska liðinu á mótinu með 35 mörk. Agnes Lilja Styrmisdóttir og Eva Lind Tyrfingsdóttir skoruðu báðar 22 mörk.

Gazel Dikme frá Tyrklandi var markahæst á mótinu en hún skoraði 75 mörk en næst henni var Alteja Ustilaite frá Litháen en hún skoraði 70 mörk.

1. Gazel Dikme (Tyrkland) - 75 mörk
2. Alteja Ustilaite (Litháen) - 70 mörk
3. Jagoda Tobolewska (Pólland) - 67 mörk
4. Mária Bartková (Slóvakía) - 66 mörk
5. Laufey Helga Óskarsdóttir (Ísland) - 58 mörk
6. Martina Knezevic (Svartfjallaland) - 58 mörk
7. Tamara Dusic (Serbía) - 58 mörk