Lang næstarkahæsti leikmaður Stjörnunnar í Olís-deild kvenna á síðustu leiktíð, Eva Björk Davíðsdóttir gekkst undir aðgerð fyrr í sumar. Þetta staðfesti hún í samtali við Handkastið.

Eva Björk sem skoraði 96 mörk í Olís-deildinni á síðustu leiktíð er Stjarnan endaði í 7. sæti deildarinnar og vann að lokum Aftureldingu í umspilinu um áframhaldandi veru í deild þeirra bestu gekkst undir aðgerð vegna brjóskskemmda á hné um miðjan júní.

,,Aðgerðin gekk vel en það þurfti að gera aðeins meira en búist hafði verið við út frá myndunum sem þýðir aðeins lengri tími í endurhæfingu," sagði Eva Björk í samtali við Handkastið.

,,Ég er hægt og rólega að byggja mig upp núna og styrkja hnéð. Ég er ekki farin að vera með í handbolta á æfingum en er að vonast til að geta verið með í fyrsta leik í deildinni," sagði Eva.

Stjarnan mætir nýliðum KA/Þórs í 1.umferð Olís-deildarinnar fyrir norðan laugardaginn 6. september.