FH og Fjölnir mættust í kvöld í Grill 66 deild kvenna í Kaplakrika.

Fyrirfram var reiknað með jöfnum leik sem kom síðan á daginn.

Vera Pálsdóttir leikmaður Fjölnis skoraði sigurmarkið 7 sekúndum fyrir leikslok og reyndist þetta vera hennar eina mark í leiknum. Heldur betur mikilvægt mark.

Endaði leikurinn 21-22 fyrir Fjölni eftir að staðan hafði verið 11-12 í hálfleik fyrir Fjölni.

Má segja að mörgu leyti að þetta hafi verið leikur markmannanna. Sonja Szöke varði 15 skot í marki FH og Signý Pála Pálsdóttir varði 19 skot hjá Fjölni.

Fanney Þóra var markahæst með 6 mörk hjá FH og hjá Fjölni var Sólveig Ása Brynjarsdóttir frábær með 10 mörk.

Fjölnis stelpur eru því komnar á blað en FH stelpur eru enn í leit að sigri.