Kvennalið Buducnost tilkynnti í dag að Bojana Popovic sé hætt sem þjálfari félagsins. Á sama tíma var staðfest að Zoran Abramovic, reyndur þjálfari frá Cetinje, hafi tekið við sem þjálfari liðsins. Hann mun stýra liðinu í fyrsta sinn nú um helgina þegar Buducnost mætir Evrópumeisturum Györ í 3. umferð Meistaradeildarinnar.

Popovic tók við sem aðalþjálfari í nóvember 2020 eftir að hafa áður verið aðstoðarmaður Dragan Adžić. Hún hefur því verið við stjórnvöl liðsins í fimm ár. Á þessum tíma hefur hún haldið Buducnost í fremstu röð á Balkanskaga og tryggt liðinu reglulega þátttöku í Meistaradeild Evrópu.

Undir hennar stjórn vann Buducnost nokkra innlenda titla, einnig hélt liðið áfram að búa til efnilega leikmenn sem og tryggði sér sæti í riðlakeppni Meistaradeildarinnar ár eftir ár. Þrátt fyrir að ekki hafi tekist að bæta við Evrópumeistaratitla ( en liðið sigraði Meistaradeild kvenna árin 2012 og 2015), hefur Popovic verið mikilvægur hluti af stöðugleika félagsins.

Í yfirlýsingu félagsins segir að samkomulagið um starfslok hafi verið talin besta lausnin að svo stöddu, með þá von að Buducnost nái settum markmiðum tímabilsins.