Viktor Gísli Hallgrímsson varði 19 bolta þegar Barcelona sigraði Taubaté á heimsmeistaramóti félagsliða í Egyptalandi í dag, 41-22.

Viktor Gísli var einnig valinn maður leiksins af mótshöldurum.

Óðinn Þór Ríkharðsson var markahæstur hjá Kadetten sem vann 10 marka sigur á HSC Suhr Aarau í svissneksu deildinni í dag.

Óðinn Þór skoraði 10 mörk úr 11 tilraunum og Kadetten situr ennþá á toppi deildinnar með fullt hús stiga.

Úlfar Páll Monsi Þórðarsson skoraði 6 mörk úr 6 tilraunum þegar lið hans Alkaloid vann stórsigur á útivelli í dag gegn HC Radovish.

Danski landsliðsmaðurinn Lasse Andersson hefur verið kynntur sem leikmaður danska félagsins HØJ frá og með næsta sumri. Hann gengur í raðir HØJ frá Fuchse Berlín og gerir fjögurra ára samning.

Í kvöld fóru fram tveir leikir í sænsku úrvalsdeildinni. Sävehof unnu sinn fyrsta leik í ár þegar þeir unnu Skövde á útivelli í hörkuleik, 25-27. Birgir Steinn Jónsson var besti maður gestanna en hann skoraði átta mörk úr tíu skotum og bætti við tveimur stoðsendingum og fékk að auki eina brottvísun.

Á sama tíma töpuðu Íslendingalið Amo sínum fyrsta leik í deildinni í ár en þeir töpuðu á útivelli fyrir Alingsås, 34-30. Arnar Birkir Hálfdánsson átti erfitt uppdráttar í kvöld en hann skoraði fjögur mörk úr ellefu skotum og bætti við 4 stoðsendingum en tapaði boltanum einnig þrívegis.

Guðjón Valur Sigurðsson og lærisveinar hans í Gummersbach halda góðri byrjun sinni áfram í Þýsku Bundesligunni en þeir unnu í kvöld lið Stuttgart á heimavelli, 33-26. Elliði Snær Viðarsson skoraði tvö mörk úr tveimur skotum og fékk að auki eina brottvísun.

Arnór Þór Gunnarsson og lærisveinar hans í Bergischer eru hinsvegar á hinum enda töflunnar og brösug byrjun þeirra hélt áfram en þeir töpuðu í kvöld fyrir Lemgo á útivelli, 28-25.

Síðasti leikur kvöldsins var síðan þegar Kiel vann Minden nokkuð örugglega, 33-25 en þeir eru efstir með sex sigra úr sex leikjum.

Landsliðsmaðurinn Óðinn Þór Ríkharðsson átti sinn besta leik á tímabilinu í kvöld þegar hann gerði sér lítið fyrir og skoraði 15 mörk úr 16 skotum er Kadetten unnu Wacker Thun, 37:30, á útivelli í Sviss.

Kadetten hefur unnið alla sex leiki sína á tímabilinu.

Orðrómur er á kreiki um að Nikola Roganovic leikmaður Malmö í Svíþjóð gangi í raðir Gummersbach næsta sumar. Roganovic fór á kostum í sænsku úrvalsdeildinni á síðustu leiktíð en hann er 21 árs vinstri skytta. Hann var næst markahæsti leikmaður sænsku úrvalsdeildarinnar á síðustu leiktíð á eftir Óla Mittún sem gekk í raðir GOG í sumar.

Á þessu tímabili hefur hann byrjað fyrstu tvo leikina með því að skora samtals 21 mark og gefa tíu stoðsendingar.

Tvö Íslendingalið áttu leik í Sænsku deildinni í kvöld. Kristianstad með Einar Braga Aðalsteinsson mætti Helsingborg á útivelli í hörkuleik sem endaði með jafntefli 30-30. Einar Bragi skoraði fimm mörk í níu skotum og bætti við fjórum stoðsendingum.

Í Ystad tóku heimamenn og sænsku meistararnir á móti Arnóri Viðarssyni og félögum hans í Karlskrona. Arnór átti fínan leik og skoraði fjögur mörk úr fimm skotum og bætti við einni stoðsendingu en því miður reyndust heimamenn of sterkir og unnu góðan sigur, 36-32.

Ísak Steinsson varði þrettán skot af þeim fjörutíu skotum sem hann fékk á sig eða 33% þegar lið hans Drammen sigraði Fjellhammer, 38-37 í framlengdum leik í kvöld.

Elmar Erlingsson og félagar í Nordhorn unnu stórsigur á Dessau-Rosslauer í annarri Bundesligunni í dag, lokatölur urðu 22-37 fyrir gestina. Elmar skoraði fjögur mörk úr sjö skotum.

Tryggvi Þórisson og félagar í Elverum slógu út Þorstein Gauta Hjálmarsson og félaga hans í Sandefjord eftir 37-34 sigur þeirra á heimavelli í dag, Tryggvi var ekki með í dag en Þorsteinn Gauti skoraði þrjú mörk úr fjórum skotum, bætti við einni stoðsendingu og fékk tvisvar sinnum brottvísun.

Dagur Gautason og félagar í Arendal féllu einnig úr leik eftir tap í framlengdum leik gegn Bækkelaget, 41-42. Dagur spilaði ekki fyrir Arendal í dag.

Stórleikur fór fram í Norður-Makedóníu í dag þegar Alkaloid og Eurofarm Pelister mættust í 3.umferð deildarinnar. Leiknum lauk með stórmeistara jafntefli 33-33 þar sem Úlfar Páll Monsi Þórðarson leikmaður Alkaloid skoraði sjö mörk úr sjö skotum.

Einn leikur er búinn í þýsku úrvalsdeildinni í dag þar sem Þýskalandsmeistarar Fuchse Berlín höfðu betur á heimavelli gegn Íslendingaliði Melsungen 30-24.

Mathias Gidsel var markahæstur á vellinu með níu mörk. Arnar Freyr Arnarsson skoraði tvö mörk fyrir Melsungen í leiknum.

Kolstad unnu eins marks sigur á B-deildarliði Bergsoy í norska bikarnum í dag 27-26. Sigvaldi Björgn Guðjónsson var markahæstur í liði Kolstad með fimm mörk. Benedikt Gunnar Óskarsson skoraði tvö en Arnór Snær Óskarsson var ekki meðal markaskorara. Sigurjón Guðmundsson átti eina stoðsendingu í marki Kolstad og varði tvö skot af níu.

Sveinn Jóhannsson leikmaður Chambéry í frönsku úrvalsdeildinni tapaði gegn Montpellier í kvöld 28-21.

Sveinn skoraði 1 mark í leiknum sem fram fór á heimavelli Montpellier.

Chambéry situr í 9 sæti deildinnar með 3 stig eftir 3 umferðir.

Óðinn Þór Ríkharðsson hélt uppteknum hætti í svissnesku deildinni og var á meðal markahæstu manna þegar Kadetten unnu St.Omar/St.Gallen á heimavelli í dag, 44-32.

Óðinn Þór skoraði 6 mörk í sigrinum í dag og héldu Kadetten sigurgöngu sinni áfram í svissnesku deildinni en þeir sitja í efsta sæti deildarinnar með fullt hús stiga eftir 5.umferðir.

Allir strákarnir okkar voru að spila í portúgölsku deildinni í dag.

Stiven Tobar Valencia og liðsfélgar hans í Benfica unnu FC Gaia á heimavelli með 11 marka mun, 45-34.

Porto, lið Þorsteins Leó Gunnarssonar, unnu Belenenses 41-34 á heimavelli í dag.

Skýrslur úr leikjunum lágu ekki fyrir svo markaskor okkar manna verður uppfært síðar.

Bjarki Már Elísson skoraði 6 mörk fyrir Veszprem sem sigruðu Pier 42-21 í ungversku deildinni í dag. Veszprem situr í 2 sæti deildinnar með fullt hús stiga að loknum 3 leikjum en Pick Szeged eru á toppnum með 8 stig og hafa leikið einum leik meira.

Hannes Jón Jónsson og strákarnir hans í Alpla Hard þurftu að sætta sig við tap í dag gegn Krems á heimavelli Krems 32-31.

Tumi Steinn Rúnarsson var markahæstur á vellinum en hann skoraði 10 mörk fyrir Alpla Hard. Tryggvi Garðar Jónsson sem gekk til liðs við Alpla Hard í sumar skoraði 1 mark í leiknum.

Alpla Hard eru með 1 stig eftir 3 umferðir og sitja í næst síðasta sæti deildinnar.

Arnar Birkir Hálfdánarson skoraði fimm mörk í sigri Amo á Vasteras Irsta 33-26 í sænsku úrvalsdeildinni. Amo hefur þar með unnið tvo fyrstu leiki sína á tímabilinu.

Íslendingaliðin Ringsted og Ribe Esbjerg gerðu jafntefli í dönsku úrvalsdeildinni í dag 32-32. Elvar Ásgeirsson skoraði fjögur mörk fyrir Ribe Esbjerg á meðan Guðmundur Bragi skoraði tvö og Ísak Gústafsson fjögur fyrir Ringsted.

Rasmus Graffe leikmaður Ringsted var markahæstur með tíu mörk og Jerry Tollbring var markahæstur Ribe-Esbjerg með átta mörk.

Danska miðilinn, BT greinir frá því að danski landsliðsmaðurinn Lasse Andersson leikmaður Fuchse Berlín gangi í raðir HÖJ í dönsku úrvalsdeildinni næsta sumar. HÖJ eru nýliðar í dönsku úrvalsdeildinni en meðal leikmanna sem leika með liðinu eru Hans Lindberg, Michael Damgaard, Hampus Wanne og Jannick Green .

Hákon Daði Styrmisson var næst markahæstur tapi Einstracht Hagen í gærkvöldi gegn Elbflorenz 37-36 í þýsku B-deildinni. Hákon Daði skoraði sex mörk í leiknum. Þetta var fyrsta tap liðsins á tímabilinu.