Kvennalið Selfoss tapaði í dag í sínum fyrsta kvenna Evrópuleik í sögu félagsins 32-26 gegn gríska liðinu AEK Athens. Um var að ræða fyrri leik liðanna í 1.umferð Evrópubikarsins.

Staðan í hálfleik var 16-12 grísku stelpunum í vil en þær voru með undirtökin meira og minna allan leikinn.

Hulda Dís Þrastardóttir var markahæst í liði Selfoss með fimm mörk ásamt Ídu Bjarklind Magnúsdóttur. Arna Kristín Einarsdóttir skoraði fjögur mörk ásamt Miu Syverud. Eva Lind Tyrfingsdóttir skoraði þrjú mörk og aðrar minna

Liðin mætast á sunnudaginn í næstu viku á Selfossi klukkan 18:00. Selfoss liðið hefur byrjað tímabilið illa og eru án stiga í Olís-deild kvenna eftir þrjár umferðir. Liðið fer til Eyja 1.október og mætir þar ÍBV áður en liðið fær gríska liðið í heimsókn.