Fram 2 fékk Víkings stelpur í heimsókn í dag í Lambhagahöllinna í Grill 66 deild kvenna.

Fram stúlkur voru ákveðnari í byrjun leiks og byrjuðu leikinn betur. Svo var mikið jafnræði með liðunum lengst af í fyrri hálfleik allt þangað til 5 mínútur voru eftir af fyrri hálfleik. Þá tóku Víkings stelpur góðan kipp og voru yfir í hálfleik 12-14.

Víkings stelpur byrjuðu leikinn frábærlega í seinni hálfleik og náðu fljótlega 5 marka forskoti. Lokakaflinn var svo nokkuð jafn þar sem Fram stelpur náðu að jafna þegar 7 mínútur lifðu leiks.

En Víkings stelpur reyndust vera klókari í lok leiks og sigruðu leikinn 25-29.

Auður Brynja Sölvadóttir og Arnbjörg Bertha Kristjánsdóttir voru markahæstar hjá Víking með 8 mörk hvor. Klaudia og Þyrí Erla vörðu samtals 12 skot.

Hjá Fram var Sara Rún Gísladóttir markahæst með 8 mörk. Markvörðurinn efnilegi Arna Sif Jónsdóttir varði 15 skot hjá þeim.