Grill66-deildarlið Gróttu sló út Olís-deildarlið ÍBV í 16-liða úrslitum Powerade-bikarsins eftir framlengdan leik á Seltjarnarnesi í kvöld.

Jafnræði var með á liðunum allan leikinn en jafnt var í hálfleik 14-14. Edda Steingrímsdóttir jafnaði metin fyrir Gróttu nokkrum sekúndum fyrir leikslok 27-27 og tryggði þeim framlengingu.

Þar reyndust Grótta sterkari aðilinn en Grótta vann framlenginguna 8-5 eða samtals 35-32.

Heldur betur óvænt úrslit en ÍBV hefur farið vel af stað á leiktíðinni í Olís-deildinni. Ída Margrét Stefánsdóttir og Katrín Scheving voru markahæstar í liði Gróttu með sjö mörk hvor og Katrín Arna Andradóttir skoraði sex mörk.

Hjá ÍBV var Sandra Erlingsdóttir markahæst með tíu mörk og Birna Berg Haraldsdóttir skoraði átta mörk.

_{Sage By Saga Sif styður kvennaumfjöllun Handkastsins - Kóðinn: handkastid veitir 15% afslátt í vefverslun Sage By Saga Sif.}