Mikill hiti myndaðist í leik Karlskrona og Malmö í sænsku úrvalsdeildinni síðasta föstudagskvöld er Eyjamaðurinn, Arnór Viðarsson braut á lang besta leikmanni sænsku úrvalsdeildarinnar, Nikola Roganovic í miðri skottilraun Svíans.

Svínn, Nikola Roganovic sem gengur í raðir Íslendingaliðs Gummersbach brást illa við brotinu og virðist gefa Arnóri Viðarssyni hnéspark aftan í lærið.

Roganovic fékk að launum rautt spjald og í kjölfarið blátt spjald og gera má ráð fyrir að hann fari í leikbann fyrir brotið. 

Malmö sem er á toppi sænsku úrvalsdeildarinnar með 22 stig voru undir nær allan leikinn en náðu að jafna undir lok leiks og lokatölur 29-29 jafntefli. Karlskrona er í 8.sæti deildarinnar með 13 stig jafn mörg stig og Onnereds. 

Hér að neðan má sjá myndbrot af atvikinu sem átti sér stað í leiknum.

Roganovics blåa kort… pic.twitter.com/DbcXF78LBe

— Skånesport (@skanesportse) December 5, 2025