Markvörðurinn ótrúlegi, Katrine Lunde lék um helgina sinn síðasta landsleik fyrir norska landsliðið er hún tryggði Noregi heimsmeistaratitilinn eftir sigur á Þýskalandi í úrslitaleik. Var þetta þriðji heimsmeistaratitilinn sem Katrine Lunde vinnur með norska landsliðinu.

Lunde sem er ekki nema 45 og verður 46 ára síðar á árinu tilkynnti fyrir heimsmeistaramótið sem hófst í lok nóvember að þetta yrði hennar síðasta verkefni með norska landsliðinu. Lunde var að lokum valin besti markvörður mótsins.

Farsælli handboltamann er erfitt að finna en hún hefur unnið til 21 verðlauna með norska landsliðinu á stórmótum í gegnum tíðina. 

Förum aðeins yfir það hvað Katrine Lunde hefur unnið með norska landsliðinu:

Sjö gull á EM
Þrjú gull á Ólympíuleikum
Þrjú gull á HM

Tvö silfur á EM
Þrjú silfur á HM

Tvö brons á Ólympíuleikum
Eitt brons á HM

Alls hefur Katrine Lunde leikið átta úrslitaleiki á stórmótum og unnið tólf af þeim leikjum sem er ótrúlegur árangur.

View this post on Instagram

A post shared by Håndballjentene🇳🇴 (@handballandslagene)