Andri Már Rúnarsson leikmaður Erlangen er á leið á sitt fyrsta stórmót en hann er eini leikmaður í íslenska landsliðshópnum sem Snorri Steinn Guðjónsson tilkynnti í hádeginu í dag.

Andri Már er einn af fimm rétthendum útileikmönnum í hópnum en ásamt Andra eru þeir Elvar Örn Jónsson, Haukur Þrastarson, Gísli Þorgeir Kristjánsson og Janus Daði Smárason.

Andri Már á að baki fjóra landsleiki fyrir Ísland en hann gekk í raðir Erlangen í sumar frá Leipzig og er liðsfélagi Viggós Kristjánssonar. Faðir hans, Rúnar Sigtryggsson tók á dögunum við liði Wetzlar í þýsku úrvalsdeildinni en nú fetar Andri Már í fótspor föðursins og leikur á stórmóti í janúar.

Lokahóp Snorra Steins fyrir Evrópumótið má sjá hér.

Fyrsti leikur Íslands á Evrópumótinu fer fram föstudaginn 16.janúar er liðið mætir Ítalíu. Næstu mótherjar Íslands verða síðan Pólverjar áður en Ísland mætir Ungverjum í lokaleik sínum í riðlinum. Allir leikir Íslands í riðlakeppninni fara fram í Kristianstad í Svíþjóð.