Arndís Áslaug Grímsdóttir hefur framlengt samning sinn við Gróttu og gildir hann út tímabilið 2027-2028. Arndís Áslaug er 18 ára og leikur sem línumaður. Er hún ennþá gjaldgeng í 3. flokki kvenna.

Í meistaraflokki hefur Arndís komið við sögu í 10 leikjum í Grill 66-deildinni á þessu tímabili og skorað 10 mörk. Þrátt fyrir að vera bara 18 ára á hún 51 leik að baki með meistaraflokki. Hefur hún einnig æft með unglingalandsliðum Íslands á síðustu árum.

„Arndís er virkilega efnilegur leikmaður sem gaman verður að sjá taka næsta skref. Hún er öflug beggja megin vallarins og hefur sýnt það að hún er framtíðarleikmaður Gróttu“ sagði Júlíus Þórir Stefánsson þjálfari Gróttuliðsins þegar blekið var búið að þorna á samningnum.