Elliði Snær Viðarsson átti ekki góðan leik fyrir Ísland þrátt fyrir góðan sigur gegn Ítalíu í gær. Handkastið er í Kristianstad og kíktu á strákanna okkar á æfingu liðsins í hádeginu í dag.

,,Skotin klikkuðu í gær og það er nú ekkert mikið flóknara en það. Þetta var ákveðin hauskúpuleikur í færanýtingu og kannski sérstaklega einn á einn í vörn í fyrri hálfleik en það var fínt að hafa bara klárað þetta núna. Allir hinir voru góðir og það er allt í lagi einn sé lélegur þegar allir hinir eru góðir."

,,Ég ætlaði mér ekkert að vera lélegur en fínt að þetta sé búið og nú byrja ég mótið þótt allir hinir hafi byrjað í síðasta leik."

Elliði Snær Viðarsson segist ekki hafa þurft á neinum orðum frá Snorra Steini Guðjónssyni, þjálfara Íslenska landsliðsins en hann vissi það best sjálfur að hann var ekki góður í gær.

,,Ég vissi þetta best sjálfur og þurfti ekkert á því að halda, létt skot í dag fyrir fund en annars bara allir léttir sko."

Viðtalið í heild sinni við Ellíða má sjðá í sjónvarpinu hér að neðan.