Drengirnir í Handboltahöllinni, þeir Hörður Magnússon, Ásbjörn Friðriksson og Einar Ingi Hrafnsson tóku létta umræðuna um íslenska landsliðið, Strákanna okkar sem verða í eldlínunni í kvöld í Kristianstad er liðið leikur lokaleik sinn í riðlakeppninni gegn Ungverjalandi klukkan 19:30 í kvöld.

Um er að ræða hrikalega mikilvægan leik fyrir báðar þjóðir sem eru báðar komnar í milliriðil keppninnar. Liðin taka stigin úr þessum leik með sér í milliriðil keppninnar.

Hörður Magnússon þáttastjórnandi Handboltahallarinnar velti þeirri spurningu fyrir sér hvort að þeir sem væru að fjalla um íslenska landsliðið væru alltaf að reyna finna eitthvað að liðinu og verið væri að búa til einhverjar grýlur í hvert einasta skipti.

,,Það hefur mikið verið talað um það áður en mótið fór af stað, eftir fyrsta leikinn og eftir leikina í Frakklandi í aðdraganda mótsins að Haukur Þrastarson gæti verið vandamál. Mér finnst stundum, af því að það hefur gengið svo vel að sé verið að reyna finna vandamálin. Áttu menn ekki frekar að bíða og sýndi Haukur það ekki í leiknum gegn Póllandi og við vitum að hann er frábær handboltamaður. Er menn ekki stundum að fara framúr sér í gagnrýni?"

Einar Ingi Hrafnsson var einn af gestum Harðar í Handboltahöllinni og segist geta tekið þeirri gagnrýni persónulega.

Umræðuna má sjá í heild sinni hér að neðan.