Frakkar fóru á kostum í fyrri hálfleik í leik gegn Portúgal sem nú er í gangi í milliriðli 1 á Evrópumótinu. Ríkjandi Evrópumeistarar Frakklands gerðu sér lítið fyrir skoruðu hvorki fleiri né færri en 28 mörk í fyrri hálfleik.

Staðan í hálfleik var 28-15 Frökkum í vil en liðið náði mest fjórtán marka forystu í fyrri hálfleik í stöðunni 27-13 og 28-14. Frakkland höfðu skorað 20 mörk eftir 20 mínútna leik og sáu Portúgalar ekki til sólar í fyrri hálfleiknum.

Með þessu sló Frakkar 12 ára gamalt met sem Pólverjar áttu en Pólland skoraði 26 mörk gegn Hvíta-Rússlandi í fyrri hálfleik á Evrópumótinu 2014.

Það sem gerir tölfræði Frakka enn ótrúlegri er að þeir þurftu einungis 32 skot til að skora þessi 28 mörk í fyrri hálfleik. Ótrúlegur fyrri hálfleikur Frakklands sem töpuðu gegn Danmörku í síðustu umferð og voru greinilega staðráðnir í að bæta það upp með góðri frammistöðu gegn Portúgal í dag.