Viggó Kristjánsson átti stórleik þegar Ísland vann sögulegan sigur á Svíþjóð í gær og skoraði Viggó ellefu mörk og var með hundrað prósent skotnýtingu. Viggó snéri sig ílla undir lok leiks í gær en Snorri Steinn Guðjónsson þjálfari Íslands staðfesti að hann yrði leikfær á morgun þegar Handbolti.is ræddi við Snorra í dag.

,,Viggó er laskaður eftir leikinn í gær en hann er allur með í leik á morgun. Við fylgjumst bara grannt með honum og höldum honum í meðhöndlun hjá okkar sjúkraþjálfurum allan sólarhringinn ef því er að skipta,“ sagði Snorri Steinn Guðjónsson landsliðsþjálfari 

Ísland á tvo leiki eftir í milliriðlinum en næsti leikur er á morgun klukkan 14:30 þegar við mætum Sviss í Malmö Arena.