Áhugaverð tölfræði Evrópumótsins sýnir að liðsfélagarnir, Mathias Gidsel og Simon Pytlick í danska landsliðinu eru potturinn og pannan í sóknarleik danska landsliðsins sem hafa nú þegar tryggt sér sæti í undanúrslitum Evrópumótsins.

Danskir miðlar segja að Gidsel sé ,,langbesti leikmaðurinn á Evrópumótinu á þessum tímapunkti” út frá tölfræðinni sem sýnir sameiginleg mörk og stoðsendingar á mótinu. Þar eru Mathias Gidsel og Simon Pytlick efstir á lista.

Mathias Gidsel hefur skorað eða lagt upp 82 mörk Dana á mótinu og Simon Pytlick hefur skorað eða lagt upp 70 mörk Dana. Lygileg tölfræði.

Næstir á þeim eftir þeim Francisco Costa leikmaður Portúgals með 64 og Sander Sagosen með 62. Gísli Þorgeir Kristjánsson er í 7.sæti með 53 mörk og stoðsendingar á mótinu.