Íslenska landsliðið hefur skorað næst flest mörk allra þjóða úr vítaköstum á Evrópumótinu áður en haldið er inn í úrslitahelgina sem fer fram í Herning um helgina.

Ísland mætir Danmörku í undanúrslitum í kvöld klukkan 19:30 en Þýskaland og Króatía mætast í hinni viðureigninni.

Ísland hefur skorað úr 34 vítum á mótinu í sjö leikjum og hafa átta víti farið forgörðum. Slóvenar hafa skorað flest mörk úr vítum á mótinu eð 37 talsins en þeir hafa lokið keppni á mótinu.

Frakkar sem einnig hafa lokið keppni á mótinu skoruðu úr 27 af 29 vítum þeirra á mótinu sem gerir 93% vítanýtingu sem er ekki allra að framkvæma.

Danir sem verða mótherjar Íslands í Herning í kvöld hafa skorað 25 mörk úr 33 vítaköstum sínum á mótinu hingað til.