Portúgal vann 36-35 sigur gegn Svíþjóð og tryggði sér þar með fimmta sætið á EM í handbolta, eftir mikinn baráttuleik. Martim Costa var markahæstur í leiknum og er markahæsti maður mótsins hingað til.

Leikurinn bauð upp á hörkuspennu og skiptust liðin á að vera með forystuna en Costa bræður stigu upp í lokin og kláruðu Svíþjóð. Portúgal með sigrinum tryggði sinn besta árangur frá upphafi á EM. Svíarnir vildu hins vegar enda mótið á góðum nótum eftir að hafa misst af undanúrslitum með slæmum frammistöðum á heimavelli.

Undanúrslitin hefjast núna klukkan 16:45 þegar Þýskaland og Króatía mætast í fyrri undanúrslitaleik dagsins.