Í síðasta uppgjörsþætti Handkastsins eftir sigur Íslands gegn Slóveníu í vikunni var Ásbjörn Friðriksson sem var gestur í þættinum beðinn um að velja þrjá bestu leikmenn Íslands á Evrópumótinu til þessa.

Íslenska landsliðið hefur leikið sjö leiki á mótinu, unnið fimm, gert eitt jafntefli og tapað einum. Það hefur skilað liðunum í undanúrslitin en Ísland leikur gegn Danmörku í undanúrslitum Evrópumótsins í kvöld klukkan 19:30.

Hér má sjá þrjá bestu leikmenn Íslands á EM að mati Ásbjarnar Friðrikssonar.

Gísli Þorgeir Kristjánsson

,,Gísli Þorgeir hefur verið besti leikmaður Íslands á mótinu hingað til.”

Óðinn Þór Ríkharðsson

,,Óðinn Þór hefur verið frábæra í hægra horninu og hann hefur tekið miklum framförum varnarlega, það er alveg ljóst.”

Elliði Snær Viðarsson

,,Það er erfitt að gera upp á milli nokkra hvað varðar 3.sætið en mér finnst Elliði hafa vaxið í þristinum hliðin á Ými. Þá hefur hann staðið sig vel sóknarlega. Það var mikill fargi af honum létt þegar hann fór að skora úr færunum sínum.”