Í dag mættust Fram 2 og HK í Úlfarsárdal í Grill 66 deild kvenna.

Toppliðið HK byrjaði mun betur og voru komnar í 6-11 eftir korters leik. Þær voru ekkert á þeim buxunum að slaka á og keyrðu óhikað á Fram stelpurnar. Staðan í hálfleik var 11-20 fyrir HK.

Í seinni hálfleik var það sama upp á teningunum. Eftir korter í seinni hálfleik var staðan orðin 20-27. Fram stelpur náðu aldrei að klóra í bakkann almennilega og endaði leikurinn 26-35 fyrir HK.

HK stelpur verma því áfram toppsætið í deildinni.

Hjá HK skilaði markvarslan þeim 19 boltum vörðum. Dreifðist markaskorunin mjög jafnt og vel. Leandra Náttsól og Þórhildur Braga voru báðar með 6 mörk.

Hjá Fram 2 var Sara Rún Gísladóttir markahæst með 10 mörk. Arna Sif Jónsdóttir varði 11 skot.

Sjáðu stöðuna í deildinni.