EHF hefur opinberað úrvalslið Evrópumótsins sem lýkur í dag með tveimur leikjum. Ísland mætir Króatíu í leik um bronsið klukkan 14:15 og klukkan 17:00 mætast Danmörk og Þýskaland í úrslitaleik mótsins.

Í úrvalsliði Evrópumótsins eru leikmenn frá sex þjóðum en Þjóðverjar eru þeir einu sem eiga tvo leikmenn í liðinu þá Andreas Wolff og Johannes Golla. Gísli Þorgeir Kristjánsson er fulltrúi Íslands í úrvalsliðinu.

Gísli Þorgeir hefur verið stórkostlegur í sóknarleik Íslands á mótinu og er fyrir loka leiki mótsins stoðsendingarhæsti leikmaður mótsins með 54 stoðsendingar.

Andreas Wolff er í úrvalsliði Evrópumótsins í þriðja sinn á ferlinum.

Mathias Gidsel leikmaður Danmerkur hefur verið útnefndur MVP mótsins en MVP leikmaður á hverju stórmóti er ekki í úrvalsliðinu sjálfu og það er því Francisco Costa sem er í hægri skyttu stöðunni í úrvalsliðinu en hann var kosinn besti ungi leikmaður mótsins.

Úrvalslið Evrópumótsins 2026 er þannig skipað:

Markmaður: Andreas Wolff (Þýskaland) 

Vinstra horn: August Pedersen (Noregur)

Vinstri skytta: Simon Pytlick (Danmörk) 

Miðja: Gísli Kristjánsson (Ísland) 

Hægri skytta: Francisco Costa (Portugal) 

Hægra horn:: Mario Šoštarić (Króatía) 

Línumaður: Johannes Golla (Þýskaland) 

Besti Varnarmaðurinn: Salvador Salvador (Portugal) 

Besti ungir leikmaðurinn: Francisco Costa (Portúgal) 

MVP: Mathias Gidsel (Danmörk)