Króatía fagnað bronsverðlaununum eftir nauman 34-33 sigur á Íslandi í Herning í Danmörku í dag.

En það vakti athygli margra að markvörður Króata, Matej Mandić kaus að fagna ekki sigrinum með liðsfélögunum strax eftir leik heldur hljóp hann meðfram hliðarlínunni og setti vísifingur fyrir munninn og “sussaði” á áhorfendur í Herning, þar sem meirihluti viðstaddra voru Danir sem kusu að styðja íslenska liðið fremur en það króatíska.

Eftir leikinn útskýrði markvörðurinn hvers vegna hann valdi að fara þessa leið eftir sigurinn í stað þess að fagna með liðsfélögunum.

,,Við fengum mikinn stuðning frá króatísku stuðningsmönnunum í leiknum en í lok leiksins fóru dönsku aðdáendurnir að baula á okkur til að hjálpa Íslandi. Í undanúrslitaleiknum vildu þeir líka hjálpa Þýskalandi. En fagnaðarsenan mín var bara eitthvað sem gerðist á augnablikinu. Þetta var ekkert persónulegt. Það var ekkert meira við þetta,” útskýrði hann við TV 2 Sport og bendir á að það hafi hvatt hann og restina af liðinu undir lokin þegar dönsku áhorfendurnir fóru að styðja íslenska liðið.

Þetta var fjórðu bronsverðlaun króatíska landsliðsins í Evrópumóti frá upphafi.

Peter Bruun Jørgensen sérfræðingur TV 2 Sport á Evrópumótinu skilur ekki þessa ákvörðun króatíska markvarðarins og segir þessa hegðun vera útúr kortinu. 

,,Það er undarlegt að í stað þess að vera ánægður með að vinna brons, sem var mikill sigur fyrir Króatíu fer hann þessa leið. Hann ætti að vera að fagna með liðsfélögum sínum fyrir að hafa unnið brons í staðinn,” segir Jørgensen.

,,Áhorfendur geta fagnað hverjum sem þau vilja. Það ætti ekki að hafa áhrif á hann hverju aðdáendurnir fagna eða hvort liðið þau vilja styðja. Nú hef ég farið á króatíska leikvanga, og ef króatísku aðdáendurnir velja að fagna einhverjum, þá er það þannig. Það er hluti af öllu saman. Mér finnst þetta vera heimskulegt,” sagði Jørgensen að lokum.

Atvikið má sjá hér.