Olís-deild karla fer af stað eftir langa EM pásu í kvöld með þremur leikjum. 16.umferðin lýkur síðan annað kvöld með öðrum þremur leikjum.

Stórleikur 16.umferðarinnar er án efa toppslagur Vals og Hauka annað kvöld í N1-höllinni klukkan 19:30. Umferðin hefst í Vestmannaeyjum þegar ÍBV fær Selfoss í heimsókn. Gera má ráð fyrir því að Hákon Daði Styrmisson leiki sinn fyrsta leik með ÍBV en hann gekk í raðir ÍBV frá Eintracht Hagen í byrjun árs.

Handkastið hefur tekið saman 10 markahæstu leikmenn Olís-deildarinnar eftir 15 umferðir:

1. Baldur Fritz Bjarnason (ÍR) - 128 mörk
2. Bjarni Ófeigur Valdimarsson (KA) - 128 mörk
3. Hannes Höskuldsson (Selfoss) - 102 mörk
4. Bernard Kristján Darkoh (ÍR) - 97 mörk
5. Árni Bragi Eyjólfsson (Afturelding) - 92 mörk
6. Símon Michael Guðjónsson (FH) - 90 mörk
7. Freyr Aronsson (Haukar) - 88 mörk
8. Brynjar Hólm Grétarsson (Þór) - 84 mörk
9. Jökull Blöndal Björnsson (ÍR) - 80 mörk
10. Giorgi Dikhaminjia (KA) - 80 mörk