Tumi Steinn Rúnarsson skoraði sex mörk úr átta skotum í fjögurra marka sigri Alpla Hard gegn Hollarbrunn í austurrísku úrvalsdeildinni í kvöld, 33-29. Um var að ræða fyrsta leik Alpla Hard í austurrísku úrvalsdeildinni á þessu ári. 

Liðið er í 2.sæti með 14 stig, stigi á eftir Ferlach sem er á toppi deildarinnar en búnir að leika einum leik færri. Tryggvi Garðar Jónsson skoraði eitt mark úr tveimur skotum en þjálfari liðsins er Hannes Jón Jónsson.

Á sama tíma tapaði Sveinn Jóhannsson og félagar hans í Chambery Savoie í frönsku bikarkeppninni gegn Nimes 23-24 á heimavelli í kvöld. Nimes var 12-9 yfir í hálfleik en um var að ræða fyrstu viðureignina í 8-liða úrslitum frönsku bikarkeppninnar.