Halldór Jóhann Sigfússon þjálfari HK sagði í viðtali við Handkastið eftir sigur liðsins gegn Þór í 18.umferð Olís-deildar karla að hann geri ekki ráð fyrir því að Aron Dagur Pálsson og Leó Snær Pétursson leiki meira með HK á tímabilinu.

Báðir meiddust þeir í sömu vörninni í tapi HK gegn ÍR í 17.umferðinni. Aron Dagur fór úr og í axlarlið á meðan Leó Snær fór í hnékelslið, já í einu og sömu vörninni í upphafi leiks en staðan var 4-4 þegar atvikin áttu sér stað. Báðir höfðu þeir skorað tvö mörk hvor í leiknum.

HK er í 8.sæti Olís-deildarinnar þegar fjórar umferðir eru eftir með 12 stig. Liðið vann lífsnauðsynlegan sigur á Þór á föstudagskvöldið 31-27. Selfoss er í 9.sætinu með 11 stig og Stjarnan í því 10. með 10 stig.

Í viðtalinu sagði Halldór Jóhann einnig frá því að Jóhann Birgir Ingvarsson væri að leika handarbrotinn og þá væri Sigurður Jefferson tæpur á fæti og var að spila á annarri löppinni eins og Halldór orðaði það í viðtalinu.

HK heimsækir Íslands- og bikarmeistara Fram í Úlfarsárdalinn næstkomandi föstudagskvöld en eftir það tekur við bikarúrslitahelgi.