Einn leikur fór fram í Dönsku úrvalsdeildinni í kvöld en Íslendingafélagið Ribe-Esbjerg tók á móti Skjern á heimavelli sínum. Gestirnir reyndust of sterkir fyrir heimamenn og tóku stigin tvö með sér heim.

Lokatölur urðu 28-32 fyrir Skjern. Elvar Ásgeirsson var þó besti leikmaður heimamanna en hann skoraði átta mörk úr þrettán skotum og gaf fjórar stoðsendingar að auki. Með sigrinum fóru Skjern upp í annað sæti deildarinnar á meðan Ribe-Esbjerg er í næst neðsta sætinu en þó langt fyrir ofan neðsta sætið en með sigri hefði liðið aðeins verið stigi frá áttunda sætinu.

Úrslit kvöldsins:

Ribe-Esbjerg 28-32 Skjern