Við settum okkur í samband við Pedro Nunes þjálfara Harðar á Ísafirði og spurðum hann nokkurra spurninga. Pedro Nunes sem er Portúgali var ráðinn þjálfari Harðar sumarið 2025.

Hörður situr í 6. sæti deildarinnar með 19 stig eftir 18 leiki.

Þú varst ráðinn þjálfari Harðar síðastliðið sumar. Hvernig hefur fyrsta hálfa árið verið hjá klúbbnum?
Fyrstu sex mánuðirnir hafa verið tímabil aðlögunar, vaxtar og að leggja sterkan grunn að framtíðinni. Við höfum einbeitt okkur að því að skilja og innleiða þjálfunaraðferðir sem endurspegla heimspeki okkar og byggja upp samheldni bæði innan vallar sem utan.
Það hefur verið ótrúlega gefandi að vinna á Ísafirði - stuðningur samfélagsins og skuldbinding leikmanna hefur verið frábær og það hefur verið forréttindi að leggja sitt af mörkum til bæði eldri og unglingastarfs hjá Herði.
Forgangsverkefni mitt hefur verið að skapa skýra sjálfsmynd, bæta stöðugleika í frammistöðu og undirbúa liðið fyrir áskoranirnar sem framundan eru í deildinni.

Hvernig kanntu við lífið á Ísafirði og vera búsettur á Vestfjörðum?
Ísafjörður er rólegur og friðsæll bær og að búa hér minnir mig oft á mína æsku. Ég nýt lífsins mjög vel hér. Ég elska fólkið hérna og hvernig þau lifa sínu lífi. Þetta er staður sem hefur mikla þýðingu fyrir mig á þessu stigi lífs míns. Þetta er sterkt samfélag og með einstaka tengingu við náttúruna. Ég er mjög glaður að vera hér.

Hvað ertu með langan samning við Hörð?
Ég er með 2 plús 1 samning.

Hvernig finnst þér Grill 66 deildin hafa spilast á þessu tímabili?
Mér finnst Grill deildin hafa verið mjög áhugaverð deild á þessu tímabili. Þetta er samkeppnishæf deild og frábær vettvangur fyrir leikmenn til að þroskast og öðlast verðmæta reynslu. Margir ungir og hæfileikaríkir íþróttamenn hafa fengið tækifæri til að spila mikilvægar mínútur og bæta leik sinn í krefjandi umhverfi sem er mjög mikilvægt fyrir vöxt þeirra og heildarstig íslenska handboltans.

Myndir þú hvetja íslenska leikmenn til að koma vestur á firði og spila fyrir Hörð ef þeim að langar að prófa eitthvað nýtt ævintýri?
Já algjörlega. Ég elska að vinna með unga leikmenn og íslenskir leikmenn eru þekktir fyrir sinn líkamlega styrk, tækni og taktíska eiginleika. Ég væri alveg opinn fyrir því að fá íslenska leikmenn ef þeir eru til í að koma vestur og hjálpa okkar liði.

Ertu ekki örugglega búinn að fara á Tjöruhúsið og smakka fiskinn þar sem og að fara upp á Bolafjall?
Nei ótrúlegt en satt þá hef ég ekki enn gert það.