Fyrstu tvö einvígin í annarri umferð forkeppni HM 2027 í Þýskalandi voru kláruð í dag en þá mættust annars vegar Georgía og Ísrael og hins vegar Grikkland og Belgía.

Ísrael hafði unnið heimaleikinn með þremur mörkum og það var búist við erfiðum útileik í Georgíu, fyrirfram var reiknað með því að Georgía myndi komast áfram en þeir voru með á EM í janúar síðastliðnum.

Þvert á spár tókst Ísrael að koma á óvart og á endanum héldu þeir út og fóru naumlega áfram eftir tap í dag, 28-30. Samtals fara Ísrael áfram eftir sigur, 60-59.

Grikkirnir leiddu eins og Ísraelar með þremur mörkum eftir góðan heimasigur og það var ljóst að þeir voru sterkara liðið í þessu einvígi. Þeir stungu þó aldrei af í dag en héldu Belgum alltaf frá sér og unnu góðan þriggja marka sigur, 31-34 og samtals 63-57.

Úrslit dagsins:

Ísrael 28-30 Georgía

Belgía 31-34 Grikkland