Það var ótrúleg uppákoma í leik HK og Vals í dag þegar Valur vann fjögurra marka sigur 28-32 í Kórnum í öðrum leik liðanna í 8-liða úrslitum Íslandsmótsins.

Með sigrinum sendi Valur, HK-inga í sumarfrí og tryggðu sér í leið farseðilinn í undanúrslitin þar sem liðið mætir KA sem vann einvígi sitt gegn ÍBV 2-0 einnig.

Í stöðunni 25-30 fyrir Val skömmu fyrir leikslok dæmdi Svavar Ólafur Pétursson mark fyrir HK sem aldrei átti að standa en Leó Snær Pétursson skaut þá boltanum í þverslánna og þaðan fór boltinn út í teiginn. Á einhvern ótrúlegan hátt dæmdi Svavar Ólafur mark.

Eðlilega voru Valsmenn gáttaðir á ákvörðun Svavars sem er stundum engum líkur og sjaldan dugar að deila við Svavar þegar hann hefur tekin ákvörðun um eitthvað. Það sýndi sig vel í þessu atviki því þrátt fyrir að Valsarar í fleirtölu hafi bent honum á að þetta hafi alls ekki verið mark - þá stóð hann fast á sínu og HK-ingar fögnuðu marki sínu sem dugði þó ekki til í leiknum.

Atvikið er hægt að sjá hér að neðan.