Ungverski landsliðsmaðurinn Dominik Máthé mun ganga til liðs við makedónska handknattleiksfélagið Ohrid eftir yfirstandandi tímabil.

Samkvæmt Handball-Planet hefur Ohrid tryggt sér þjónustu leikmannsins þegar samningur hans við norska félagið Elverum rennur út. Máthé, sem leikur sem hægri skytta, mun því flytja sig yfir í makedónsku deildina næsta sumar. 

Ohrid hefur sett sér metnaðarfull markmið og er félagið greinilega ekki að slaka á í uppbyggingu liðsins. Kaupin á Máthé eru talin stórt skref í þeirri vegferð, enda býr hann yfir dýrmætri reynslu bæði úr Meistaradeild Evrópu og á stórmótum með ungverska landsliðinu.

Máthé, sem er 26 ára gamall, hefur áður leikið með stórliðum á borð við Paris Saint-Germain og hefur verið lykilmaður í ungverska landsliðinu en hefur þó ekki verið með landsliðinu á síðustu stórmótum.