Ómar Darri Sigurgeirsson skoraði átta mörk og var næst markahæstur í liði FH í sigri liðsins gegn Fram í gærkvöldi, 27-33 þegar liðið tryggði sér í undanúrslit Íslandsmótsins. FH mætir annað hvort Haukum eða Aftureldingu í undanúrslitum en það ræðst á fimmtudaginn.

Rætt var um frammistöðu Ómars Darra í leiknum í Handboltahöllinni í opinni dagskrá í Sjónvarpi Símans í gærkvöldi.

,,Ómar Darri byrjaði þennan leik, Garðar Ingi Sindrason byrjaði á bekknum og kannski einhver skilaboð þar en Ómar Darri byrjaði frábærlega og hélt því áfram," sagði Hörður Magnússon.

,,Hann kom sterkur inn í síðasta leik og byrjaði vel í gær. Hlutverk Garðars var að koma inn eftir 10-15 mínútur," bætti Ásbjörn við áður en komið var að því að sýna glæsilegt mark Ómars í þættinum.

,,Ómar Darri skoraði mark leiksins," sagði Hörður um mark Ómars Darra í stöðunni 13-16 fyrir FH í upphafi seinni hálfleiks.

Markið og umræðuna um Ómar Darra er hægt að sjá hér að neðan.