Stymmi Klippari mun það sem eftir lifir tímabils spá í leiki dagsins bæði í úrslitakeppni og umspili karla og kvenna hér á Íslandi.

Hér að neðan má sjá hvernig hann spáir leikjum dagins

Fjölnir - Stjarnan (Þriðjudagur 19:30) / Sigurvegari: Stjarnan  (Staðan í einvíginu er 1-0)

Fjölnir komu öllu á óvart með því að sigra Olís deildar lið Stjörnunnar í Garðabænum á föstudaginn. Staðan er einföld, ef Stjarnan tapar í kvöld leika þeir í Grill 66 deildinni á næsta ári. Talandi um að vera með bakið upp við vegg. Stjarnan hefur tapað 12 leikjum í röð og það er ekkert grín að snúa því við. Ég held þeir tryggi sér samt oddaleik með sigri í Grafarvoginum í kvöld og oddaleik í Garðabænum síðar í vikunni en það mun ekki vera auðvelt.