Tveir leikir fóru fram í Meistardeild Evrópu í gærkvöldi. Íslendingaliðin, Sporting og Veszprém tryggðu sér síðustu tvö sætin í 8-liða úrslitum keppninnar.

Veszprém gerði jafntefli gegn PSG í París, 35-35 eftir að hafa unnið átta marka sigur í fyrri leik liðanna á heimavelli. Orri Freyr Þorkelsson og félagar í Sporting töpuðu með einu marki gegn Wisla Plock í Póllandi 28-27 en það dugði liðinu þó til að tryggja sér sæti í 8-liða úrslitum keppninnar annað árið í röð.

Þar með er ljóst að fimm Íslendingalið taka þátt í 8-liða úrslitum Meistaradeildarinnar en Sporting mætir Álaborg og Veszprém mætir Füchse Berlin í 8-liða úrslitunum.

Hér að neðan má sjá hápunktana úr leikjum gærkvöldsins.

PSG - Veszprém 35-35 (20-18)

Wisla Plock - Sporting 28-27 (13-11)