ÍR-ingarnir Jökull Blöndal og Patrekur Smári eru þessa dagana staddir í Þýskalandi á reynslu hjá úrvalsdeildarliðinu Gummersbach.

Þjálfari Gummersbach er auðvitað Guðjón Valur Sigurðsson og íslensku landsliðsmennirnir Teitur Örn Einarsson og Elliði Snær Viðarsson eru leikmenn liðsins.

Í frétt hjá ÍR handbolti á facebook segir að ferðin verði dýrmæt reynsla fyrir strákana enda séu þeir við æfingar hjá einu besta félagsliði heims á hápunkti tímabilsins.