Francisco Costa var markahæstur í liði Sporting í sjö marka sigri liðsins gegn Aguas Santas í úrslitakeppninni í Portúgal í gær.

Sporting hafði betur 36-29 eftir að hafa verið 19-15 yfir í hálfleik. Francisco Costa fór á kostum í leiknum og skoraði ellefu mörk fyrir Sporting. Orri Freyr Þorkelsson skoraði þrjú mörk í leiknum jafn mörg mörk og Martim Costa bróðir Kiko Costa.

Sporting er á toppi fjögurra bestu liðanna í Portúgal með 39 stig, fimm stigum meira en Porto og sex stigum meira en Benfica.