Danski handboltasérfræðingurinn Rasmus Boysen vekur athygli á áhugaverðri þróun og að hans mati áhyggjum á þróun í evrópskum handbolta.

Í fyrsta sinn frá stofnun Evrópukeppni félagsliða árið 1956 eru sömu átta liðin í topp 8 í Meistaradeildinni tvö ár í röð. Liðin sem um ræðir eru:

• SC Magdeburg
• FC Barcelona
• Álaborg
• Füchse Berlin
• SC Pick Szeged
• HBC Nantes
• Sporting CP Handebol
• Veszprém KC

Samkvæmt Boysen er þetta ekki jákvæð þróun. Hann bendir á að Meistaradeildin sé í auknum mæli að þróast í eins konar lokaða „ofurdeild“, þar sem fá ný lið komast að. Þá bendir Rasmus á þá staðreynd að aðeins ein breyting var á liðunum 16 sem léku í Meistaradeildinni í ár frá síðustu leiktíð þar sem danska félagið GOG kom inn í stað Fredericia.

Vonast Boysen til að fyrirhuguð stækkun keppninnar á næsta tímabili opni dyr fyrir fleiri félög og auki samkeppni í evrópskum handbolta.

Þetta eru liðin sem mætast í 8-liða úrslitum Meistaradeildarinnar:

Füchse Berlin - Veszprém

Barcelona - Nantes

Álaborg - Sporting

Magdeburg - Pick Szeged

Átta liða úrslitin hefjast í lok apríl.