Fjórir leikir eru eftir af heimsmeistaramóti kvenna en einungis undanúrslitaleikirnir, leikur um 3.sætið og svo sjálfur úrslitaleikurinn er eftir á mótinu.

Undanúrslitin fara fram á morgun þegar Frakkland og Þýskaland mætast og í kjölfarið mætast Holland og Noregur en leikirnir fara fram í Rotterdam í Hollandi. Síðustu tveir leikirnir verða síðan leiknir á sunnudaginn.

Handkastið hefur tekið saman tíu markahæstu leikmenn mótsins fyrir úrslitahelgina en Forsetabikarinn lauk í gær þar sem Króatía tryggði sér Forsetabikarinn eftir sannfærandi sigur á Kína.

Af þeim tíu markahæstu leikmönnum heimsmeistaramótsins eru þrír leikmenn sem eiga eftir að spila tvo leiki aðrar hafa lokið keppni. Henny Reistad er fjórtán mörkum á eftir Lorena Téllez frá Kúbu og þarf því að vera iðin við kolann til að skáka þeirri kúbversku um markadrottningartitilinn.

1. Lorena Téllez (Kúba) - 54 mörk
2. Sorina Grozav (Rúmenía) - 46 mörk
3. Danila So Delgado (Spánn) - 43 mörk
4. Magda Balsam (Pólland) - 42 mörk
5. Henny Reistad (Noregur) - 40 mörk
6. Fernanda Insfrán (Paragvæ) - 40 mörk
7. Tabea Schmid (Sviss) - 39 mörk
8. Clara Lerby (Svíþjóð) - 39 mörk
9. Antje Döll (Þýskaland) - 39 mörk
10. Bo van Wetering (Holland) - 37 mörk