Ísland vann frábæran og torsóttan sigur þegar liðið lagði Ungverja 24-23.

Viktor Gísli Hallgrímsson var magnaður í kvöld og átti nokkrar hreinlega ótrúlegar vörslur og hann var stærsta ástæða þess að liðið vann leikinn.

Gísli Þorgeir Kristjánsson dró vagninn sóknarlega og var frábær sérstaklega þegar mest á reyndi undir lok leiksins þegar hann annað hvort skoraði sjálfur eða sótti vítaköst.

Ýmir Örn og Elvar Örn áttu flottan leik í vörninni í fyrri hálfleik en Elvar meiddist undir lok fyrri hálfleiks á meðan Ýmir var óheppinn að fá rautt spjald snemma í seinni hálfleik frá misgóðum dómurum leiksins. Einar Þorsteinn Ólafsson leysti Ými af hólmi og var mjög öflugur í vörninni.

Einkunnir Íslands má sjá hér:

Viktor Gísli - 9

Gísli Þorgeir - 9

Einar Þorsteinn - 8

Elvar - 7

Elliði - 7

Arnar Freyr - 5

Haukur - 6

Óðinn - 8

Ómar Ingi - 6

Janus - 6

Viggó - 7

Orri - 7

Bjarki M - 4

Ýmir - 6