Það er ekki á hverjum degi sem svilar mætast á stórmóti í handbolta en það mun gerast í dag þegar Þýskaland og Noregur mætast í öðrum leik þjóðanna í milliriðli Evrópumótsins, þegar Rune Dahmke og Sander Sagosen mætast.

Rune Dahmke er eiginmaður norsku handboltastjörnunnar, Stine Oftedal Dahmke á meðan Sander Sagosen er giftur, yngri systir Stine Oftedal, Hanne  Oftedal Sagosen. Stine Oftedal verður sérfræðingur norska sjónvarpsins á leiknum.

,,Ég hef reyndar ekki þorað að spyrja hana með hverjum hún heldur með. Ég er ekki viss um að ég vilji heyra svarið,“ sagði Rune Dahmke við við þýska miðilinn, handball-world.news.

Þjóðirnar mætast klukkan 19:30 í kvöld en mikið er undir fyrir bæði lið. Þýskaland er á toppi milliriðilsins með fjögur stig en Norðmenn eru með tvö stig eftir sigur á Spánverjum í síðasta leik.

Rune Dahmke og Sander Sagosen eru einnig fyrrum liðsfélagar, en þeir léku þrjú tímabil saman með Kiel á sínum tíma. ,,Hann er frábær gaur, alveg til fyrirmyndar,” sagði Dahmke aðspurður út í Sagosen.

Sander Sagosen var spurður út í svila sinn eftir sigur Noregs gegn Spáni á fimmtudagskvöldið. ,,Ég elska að horfa á Rune og spila á móti honum.Hann er eins og bróðir minn fyrir mér,” sagði Sander Sagosen.