Spánverjar þurfa á sigur að halda gegn fjórföldum heimsmeisturum Danmerkur í Herning í dag í öðrum leik liðanna í milliriðli Evrópumótsins. Spánverjar er á botni milliriðilsins án stiga á meðan Danir eru með tvö stig eftir sigur á Frökkum í síðustu umferð.

Markvarslan hjá Spánverjum á mótinu hefur ekki verið upp á marga fiska og nefndi Lasse Svan það í umfjöllun sinni fyrir leikinn í dag á TV 2 Sport í Danmörku.

,,Við bjuggumst við miklu frá Sergey Hernandez, sem hefur spilað frábærlega með Magdeburg í langan tíma en það hefur verið vonbrigði að sjá hvernig hann hefur spilað á þessu móti og það hlýtur líka að vera vonbrigði fyrir Spán,“ sagði Lasse Svan við TV 2 Sport.

Með Sergy Hernandez er Nacho Biosca markvörður Nantes í frönsku úrvalsdeildinni. Biosca er sagður vera á leið til Gummersbach í sumar og eigi þar að fylla skarð Dominik Kuzmanovic sem er á leið til Magdeburg. 

Perez de Vargas er ekki í leikmannahópi Spánar á þessu móti en hann gekk í raðir Kiel í sumar frá Barcelona. Vargas sleit krossband á síðasta tímabili með Barcelona en er kominn aftur á völlinn og farinn að spila með Kiel í þýsku úrvalsdeildinni. Jordi Ribera ákvað hinsvegar að velja hann ekki á Evrópumótið.

Spánn og Danmörk mætast klukkan 17:00 í dag. Þýskaland og Noregur er síðan lokaleikur dagsins klukkan 19:30.