Þjóðverjar verða án Tom Kiesler vegna veikinda í undanúrslitum Evrópumótsins er liðið mætir Króatíu núna klukkan 16:45 í Boxen í Herning í Danmörku.

Það má því gera ráð fyrir því að að Johannes Golla og Justus Fischer fái meiri ábyrgð í miðri vörn Þjóðverja í leiknum í dag..

Tom Kiesler hefur ekki verið heill heilsu að undanförnu og er ekki í leikmannahópi Þjóðverja í leiknum í dag. Hann verður því utan hóps ásamt hornamanninum, Mathias Häseler.

Fjarvera Kiesler þýðir líklega að Johannes Golla og Justus Fischer munu mynda hjartað í vörn Þjóðverja ásamt Matthes Langhoff.

Um er að ræða fyrri undanúrslitaleik Evrópumótsins en klukkan 19:30 í kvöld mætast Ísland og Danmörk.