Bergrós Ásta Guðmundsdóttir leikmaður nýliða KA/Þórs í Olís-deildinni sem var valin bæði best og efnilegust í Grill66-deildinni á síðustu leiktíð hefur spilað virkilega vel í fyrstu tveimur leikjum U19 ára landsliðs Íslands á EM sem fram fer í Svartfjallalandi.

Eftir tap gegn sterku liði Danmerkur í fyrstu umferð í gær, unnu stelpurnar sinn fyrsta sigur á mótinu í morgun þegar liðið mætti Litháen.

Í þeim leik skoraði Bergrós Ásta fimm mörk en í leiknum gegn Danmörku skoraði hún einnig fimm mörk og var markahæst íslenska liðsins í þeim leik.

Instagram síða EHF, Evrópska handknattleikssambandsins hefur verið virk á meðan á mótinu stendur að sýna frá flottum tilþrifum frá mótinu. Myndband af frábærri "no look" stoðsendingu Bergrósar í leiknum í dag á línumanninn, Guðmundu Auði Guðjónsdóttur leikmann Stjörnunnar hefur slegið í gegn, enda skal engan undra. Línusendingin er í meira lagi glæsileg. Sjón er sögu ríkari.

Ótrúleg "no look" sending Bergrósar má sjá hér að neðan:

View this post on Instagram

A post shared by EHF EURO (@ehfeuro)