Markvörðurinn, Darija Zecevic verður ekki áfram í herbúðum Fram í Olís-deild kvenna. Þetta staðfesti Haraldur Þorvarðarson þjálfari Fram í samtali við Handkastið.

Darija gekk í raðir Fram síðasta sumar og lék með liðinu á síðasta tímabili eftir að hafa leikið með Stjörnunni tímabilin á undan.

Darija var með næst hæstu prósentu markvörsluna í Olís-deildinni í vetur á eftir landsliðsmarkverðinum Hafdísi Renötudóttur. Darija var með 37% markvörslu og tæplega 10 varða bolta í leik.

Samkvæmt heimildum Handkastsins var kvennalið ÍBV í viðræðum um að fá Dariju til sín en þær viðræður gengu ekki upp. Marta Wawrzykowska markvörður ÍBV síðustu ára og einn besti markvörður deildarinnar verði ekki áfram í Vestmannaeyjum á næsta tímabili.

Kvennalið ÍBV hefur hinsvegar samið við norskan markvörð fyrir komandi tímabil.

Darija hef­ur leikið hér á landi frá 2019 er hún gekk í raðir ÍBV. Þar lék hún í tvö ár áður en hef­ur gekk síðan í raðir Stjörnunnar.