KG Sendibílamótinu lauk í gær en fjögur lið tóku þátt í kvennaflokki en einungis KA og Þór tóku þátt í karlaflokki. Í gærkvöldi var haldið lokahóf mótsins þar sem veitt voru einstaklingsverðlaun í kvennaflokki.

KA vann báða sína leiki gegn Þór á mótinu og stóð uppi sem sigurvegari og kvennamegin var það ÍBV sem vann alla sína leiki á mótinu og stóð uppi sem sigurvegari.

Sandra Erlingsdóttir leikstjórnanandi ÍBV sem er að koma heim eftir veru sína atvinnumennsku var valin besti sóknarmaður KG Sendibílamótsins. Gunnþór Kristjánsson eigandi KG Sendibíla afhenti henni verðlaunin eins og sjá má á myndinni hér að ofan.

Þóra María Sigurjónsdóttir leikmaður Gróttu var valin besti varnarmaðurinn og Hrafnhildur Anna Þorleifsdóttir var valin besti markvörður mótsins.